Projècte esportiu qu’a per mira de promòure l’esquí de fons, lo biatlon e las activitats de plen aire en ivèrn sul territòri transfrontalièr de Bearn (departament de Pirenèus Atlantics) e la província d’Òsca (Aragon, Espanha).

Projècte qu’a per mira de partejar una activitat comuna, de natura culturala, basada sus l’apropriacion de la memòria collectiva de las valadas de Canfranc e d’Aspa a l’entorn de la construccion de la linha de camin de fèrre del Canfranc.

Lo Carnaval en ponch d’òrgue d’un trabalh comun preparatòri a l’entorn de la lenga, del teatre, de las danças e de la musica entre Bearn e lo Naut Aragon.

Un rencontre de joves, entre 13 e 17 ans, animats per una meteissa motivacion e l’enveja de partejar l’art del circ dins diferents vilatges d’Aragon per crear un espaci de convivialitat, d’escambis quotidians, de respècte e de dialòg. Un projècte intercultural, social e artistic.

Projècte esportiu avent per objectiu de promòure l’espòrt (BTT e trail), la cultura e lo patrimòni partejats entre los territòris de Sobrarbe, Aura e Loron, en utilizant los ancians camins istorics de comunicacion transfrontalièra.

Un projècte qu’a per mira d’amorsar una dinamica de cooperacion dins lo domeni professional de l’art del paisatge : paisatge, orticultura, jardins, creativitat.

Traçat d’una itinerària BTT entre lo Naut Aragon e Pirenèus Nauts per rejónher la còsta Basca : la GT BTT dels Pirenèus.

Caminòl Transfrontalièr de creacion contemporanèa dins los Pirenèus per crear e perennizar un ligam entre lo mond de l’art contemporanèu e lo de la nauta montanha francoespanhòla. Aquel ligam permetrà, d’una part de far se desplegar la creacion artistica dins un univèrs ont es pas forçadament presenta e, d’autra part, de sensibilizar los publics concernits.
Aquel objectiu se materializa per un caminòl cultural transfrontalièr, ritmat per d’etapas en refugi dins los quals seràn expausadas d’òbras d’art.