Microprojèctes
Zòna Centre
Los microprojètes de la zòna centre son estats coordinats pel GECT Pirineos-Pirenèus amb l’ajuda de totes los sòcis institucionals del territòri.
Lo GECT Pirineos-Pirenèus es un gropament europèu de cooperacion territoriala creat en 2020 pel Govèrn d’Aragon, la Diputacion Provinciala d’Òsca e los departaments franceses de Nauts Pirenèus e de Pirenèus Atlantics. Aquela organizacion favoriza la cooperacion dels dos costats dels Pirenèus .
Dona una projeccion internacionala als Pirenèus centrals del punt de vista toristic, reinventa la mobilitat dins la region, integrant bonas practicas que facilitan los desplaçaments tant pels abitants coma pels visitaires e que favoriza un desvolopament equilibrat del territòri pirenenc e dels piemonts, integrant la durabilitat dins la gestion de las rotas, dels passatges frontalièrs e de las infrastructuras religant los dos versants de la cadena.
Canfranc Memòria : La memòria collectiva del camin de fèrre de Canfranc
Projècte qu’a per mira de partejar una activitat comuna, de natura culturala, basada sus l’apropriacion de la memòria collectiva de las valadas de Canfranc e d’Aspa a l’entorn de la construccion de la linha de camin de fèrre del Canfranc.
Circ a esquina
Un rencontre de joves, entre 13 e 17 ans, animats per una meteissa motivacion e l’enveja de partejar l’art del circ dins diferents vilatges d’Aragon per crear un espaci de convivialitat, d’escambis quotidians, de respècte e de dialòg. Un projècte intercultural, social e artistic.
PyreneArte, Caminòl transfrontalièr de creacion contemporanèa dins los Pirenèus
Caminòl Transfrontalièr de creacion contemporanèa dins los Pirenèus per crear e perennizar un ligam entre lo mond de l’art contemporanèu e lo de la nauta montanha francoespanhòla. Aquel ligam permetrà, d’una part de far se desplegar la creacion artistica dins un univèrs ont es pas forçadament presenta e, d’autra part, de sensibilizar los publics concernits.
Aquel objectiu se materializa per un caminòl cultural transfrontalièr, ritmat per d’etapas en refugi dins los quals seràn expausadas d’òbras d’art.
Tròba los microprojèctes
per zòna
Mercejaments
Aquel apèl a micro-projèctes es estat finançat per un excedent del reliquat del Programa Operacional de Cooperacion Territoriala Espanha-França-Andòrra (POCTEFA) 2007-2013 qu’es estat transferit als Estats sòcis (Espanha e França), jos forma de contribucions nacionalas, perdent atal sa natura de fonzes FEDER.
La gestion d’aquel apèl es estada realizada conjonchament per l’ensemble dels sòcis institucionals çai jos.
Dotat de 575 000 euros, a finançat, a nautor de 100% de las despensas eligiblas, los micro-projèctes de cooperacion territoriala indicats sus aquel sit.
