Microprojèctes
Zòna Oèst
Los microprojètes de la zòna oèst que son estats coordinats per l’Euroregion NAEN amb l’ajuda de tots los sòcis institucionals del territòri.
L’Euroregion NAEN (Novèla Aquitània-Euskadi-Navarra) Lo GECT Euroregion Novèla Aquitània Euskadi Navarra qu’es un Gropament Europèu de Cooperacion Territoriala creat lo 12 de decembre de 2011 . Qu’a per mira de promòure lo desvolopament economic, social e cultural del territòri transfrontalièr e euroregional en favorizant los escambis al son sen.
Una Euroregion, dos países, tres lengas de trabalh, lo basc, l’espanhòl e lo francés. Aquel multilingüisme que permet a cadun.a d’escambiar, de partatjar, d’apréner e de se connectar.
Novèla Aquitània, Euskadi, Navarra, una desmarcha, un esperit, una ambicion : far de l’Euroregion un territòri que conjuga proximitat e distància per facilitar lo quotidian dels ciutadans.a.s al nivèl local e regional en participant al melhorament de lors condicions de vida ací, ara, e deman.
ASOCIAKIN : Ciutadanetat del territòri transfrontalièr de kinto
Projècte per dinamizar, responsabilizar e implicar la societat civila dins l’estrategia e los procediments de desvolopament del territòri transfrontalièr KINTOAN BARNA – vals d’ESTERIBAR (Navarra) e de BAIGORRI e LOS ALDUDES (departament de Pirenèus Atlantics).
Tròba los microprojèctes
per zòna
Mercejaments
Aquel apèl a micro-projèctes es estat finançat per un excedent del reliquat del Programa Operacional de Cooperacion Territoriala Espanha-França-Andòrra (POCTEFA) 2007-2013 qu’es estat transferit als Estats sòcis (Espanha e França), jos forma de contribucions nacionalas, perdent atal sa natura de fonzes FEDER.
La gestion d’aquel apèl es estada realizada conjonchament per l’ensemble dels sòcis institucionals çai jos.
Dotat de 575 000 euros, a finançat, a nautor de 100% de las despensas eligiblas, los micro-projèctes de cooperacion territoriala indicats sus aquel sit.
