Gizarte-ekintza
ASOCIAKIN :
Kintoa mugaz gaindiko lurraldeko herritarrak
Proiektu honek helburu du gizarte zibila inplikatzea mugaz gaindiko KINTOAN BARNA lurraldearen estrategian eta garapen-prozesuetan; lurralde horrek barruan hartzen ditu ESTERIBARKO ibarra (Nafarroa) eta BAIGORRIKO eta ALDUDEKO ibarrak (Atlantikoko Pirinioetako departamendua).
Bazkideen
BURDIN LEKU elkartea (entitate koordinatzailea)
AIBA elkartea
Esteribarko Pelotazale Kluba
ZAHARRER SEGI kirol-elkartea
NAFAR BASOAK elkartea
Helburuak
- Mugaz gaindiko lurraldearekiko atxikimendu-sentimendua indartzea, bide emanez bi aldeetako herritarren arteko topaketei.
- Tokiko elkarteen eta beste eragile garrantzitsu batzuen sare bat sendotzea eta mugaz gaindiko lankidetzan trebatzea.
- Sektorean mugaz gaindiko lankidetza-ekintzak abian jartzea, industria-ondarearen (Kintoko meatze-kanpamenduak) eta ondare immaterialaren (euskal pilota, artisautza-azokak) inguruko erakustaldi praktiko gisa.
- Motibazioa Gizarte zibilak ez du nahikoa parte hartu YELMO (2007-2013) eta KINTOAN BARNA (2014-2020) mugaz gaindiko lankidetza-proiektuetan, eta ez da nahi beste inplikatu; batez ere, tokiko elkarteek bete dute eginkizun hori.
Egunak : 01/06/2022 – 30/11/2023
Aurrekontua : 25 000 €
Proiektuaren ekintzak
- Mugaz gaindiko lurraldeko elkarte guztien inbentario bat edukitzea.
- Lurraldeko agenteen mugaz gaindiko lankidetzari buruzko prestakuntza hobetzea, gizarte- eta ekonomia-garapeneko proiektuen sustapena eta parte-hartzea erraztuz.
- Mugaz gaindiko agenteek elkar hobeto ezagutzea, elkarren arteko topaketa bat antolatuz; topaketa hori izango da etorkizuneko «KINTOAN BARNA mugaz gaindiko jardunaldiaren» oinarria.
- Mugako (Kintoa) industria- eta meatze-ondarearen gaineko ezagutza hobetzea.
- Euskal pilotaren eta produktu- nahiz artisautza-azoken mugaz gaindiko programak martxan jartzea.
Emaitzak
- KINTOAN BARNA lurraldean baterako jarduera-programa bat edukitzea, urtekoa, eta programa horren hedapen koordinatua bermatzea, AsociaKIN proiektutik harago, zeina egin baita mugaz gaindiko lurraldeko tokiko elkarteekin eta beste agente batzuekin elkarlanean arituz.
Aurkitu mikroproiektuak
eremuen arabera.
Esker onak
Espainia-Frantzia-Andorra Lurralde Lankidetzako Programa Operatiboaren (2007-2013) soberakinekin finantzatu da mikroproiektuen deialdi hau. Soberakin horiek ekarpen nazional gisa eman zaizkie estatu kideei (Espainiako eta Frantziako Estatuak), eta, beraz, FEDER funts izateari utzi diote.
Hemen adierazten diren bazkide instituzionalek kudeatu dute deialdia, elkarrekin.
575.000 euroko zenbatekoarekin, webgune honetan aipatzen diren lurralde-lankidetzako mikroproiektuetan dirulaguntza jaso zezaketen gastuen % 100 finantzatu ziren.
