A la partença, dos binòmis d’artistas transfrontalièrs, coneissent plan lo territòri, son estats constituïts per efectuar un trabalh conjonch. L’objectiu final es estat de co-crear doas intervencions per l’Espaci natural protegit de las Gavarres, dins l’encastre del Festenal Art & Gavarres.

Atal, lo primièr quadre d’accion a portat sul territòri catalan, pendent la cinquena edicion del Festenal internacional d’art e paisatge Art & Gavarres, organizat e produch pel Consorci de las Gavarres dempuèi 2018. Dins l’encastre d’aquel festenal, d’intervencions artisticas son estadas realizadas dins la natura, dins l’Espaci natural protegit de las Gavarres.
Las òbras que ne resultan son estadas expausadas pendent los tres meses del festenal. Son demoradas a l’endrech meteis ont son estadas creadas fins a se deteriorar o desaparéisser, o fins a lor desmantelament al tèrme del festenal.

La segonda partida del projècte s’es debanada de l’autre costat de la frontièra e a pausat sus doas accions.

La primièra accion a consistit a organizar una exposicion dins los locals de la Providéncia.
L’exposicion a inclús lo material preparatòri de las pèças presentadas al Festenal Art & Gavarres — esbòças, maquetas, nòtas, etc. aital coma de material grafic e audiovisual documentant aquel trabalh. L’exposicion es estada organizada pel centre d’art el meteis e a pogut èsser visitada de la mitat de novembre fins a la fin de l’annada. Foguèt atal l’escasença de far conéisser l’iniciativa del Festenal Art & Gavarres, de suscitar l’interès e d’atirar per las edicions venentas lo public e los participants de l’autre costat de la frontièra.

La segonda accion menada en França es estada de natura pedagogica. Gràcias als ligams prealables que la Providéncia entreten amb los centres escolars bilingües d’Isla de Tet, los artistas catalans an menat una seria d’activitats educativas en França per far conéisser als escolans lo territòri al delà de la frontièra e de los sensibilizar a l’environament per l’art.

• 2 intervencions de binòmis d’artistas al Festenal Art&Gavarres
• Exposicion al Centre Cultural d’Art Viu La Providéncia
• Video facha per de joves locals
• Talhièrs educatius per escolans bilingües
• Novèlas oportunitats de collaboracion