Mikroproiektuak
Erdialdea

Pirineos-Pyrénées MLETak koordinatu ditu erdialdeko mikroproiektuak, eremuko bazkide instituzional guztien laguntzarekin.

Pirineos-Pyrénées MLETa Europako elkarte bat da, lurralde-lankidetzaren ingurukoa, eta Aragoiko Gobernuak, Huescako Diputazio Probintzialak eta Goi Pirinioetako eta Atlantikoko Pirinioetako departamendu frantsesek sortu zuten, 2020an. Bada, Pirinioen bi aldeetan lankidetza sustatzea da antolakunde horren helburua.

Batetik, nazioarteko proiekzioa ematen die Erdialdeko Pirinioei, ikuspegi turistiko batetik; bigarrenik, eskualdeko mugikortasuna berrasmatzen du, herritarren nahiz bisitarien joan-etorriak errazteko jardunbide egokiak txertatuz, eta, azkenik, Pirinioetako lurraldearen eta mendi-hegalen garapen orekatuari bide ematen dio, jasangarritasuna sartuz mendikatearen bi isurialdeak elkarlotzen dituzten errepideen, mugako igarobideen eta azpiegituren kudeaketan.

www.pirineos-pyrenees.eu

  • Erakutsi dena
«CONTREBANDIERS»: Historiaz jositako mugaz gaindiko ibilbide bat

Kirol-proiektu honek helburu du Sobrarbeko, Aureko eta Louroneko lurraldeek partekatzen dituzten kirola (BTTa eta traila), kultura eta ondarea sustatzea, mugaz gaindiko antzinako komunikabide historikoak erabiliz.

Kirola
ABCS : Aragón Bearn Candanchu Somport

Kirol-proiektu honek helburu du Bearnoko (Atlantikoko Pirinioetako departamendua) eta Huesca probintziako (Aragoi, Espainia) mugaz gaindiko eremuan iraupen-eskia, biatloia eta neguko aire zabaleko jarduerak sustatzea.

Kirola
Canfranc oroimena : Canfranceko trenbidearen oroimen kolektiboa

Kultur jarduera komun bat partekatzea da proiektu honen helburua, zeinaren funtsa baita Canfranceko eta Aspeko ibarretan oroimen kolektiboa sortzea, Canfranc trenbide-linearen eraikuntzaren inguruan.

Kultura
Inauteriak komunean

Proiektu honetan, inauteriek ematen diote amaiera Bearnoren eta Goi Aragoiren artean hizkuntzari, antzerkiari, dantzari eta musikari buruz egindako lanari.

Kultura
Pirinioetako paisaiak : Paisaiaren arteari buruzko prestakuntza: begirada gurutzatuak

Paisaiaren artearen eremu profesionalean lankidetza-dinamika bat abiarazteko proiektua da honako hau, non paisaia, baratzezaintza, lorategiak eta sormena nahasten baitira.

Hezkuntza
Pyr BTT : Zeharkaldi handia mendiko bizikletaz Pirinioetatik

Goi Aragoiren eta Goi Pirinioen artean mendiko bizikletaz ibiltzeko ibilbide bat marraztea, euskal kostaldera iristeko: Pirinioetako BTT ZH.

Kirola, Turismoa
PyreneArte, sorkuntza garaikidearen mugaz gaindiko bidexka Pirinioetan

Sorkuntza garaikidearen mugaz gaindiko bidexka Pirinioetan, arte garaikidearen eta goi-mendi franko-espainiarraren arteko lotura sortu eta betikotzeko. Lotura horri esker, batetik, berria zaion unibertso batean hedatuko da arte-sorkuntza,
eta, bestetik, interesa duen publikoa sentsibilizatuko da. Helburu hori gauzatzeko, mugaz gaindiko bidexka kultural bat sortuko da, hainbat etapatan banatua, artelanak ikusgai izango diren aterpetxez aterpetxe.

Kultura
Zirkua soinean

Motibazio berberak mugitutako 13 eta 17 urte bitarteko gazteen topaketa honek helburu du zirkuaren artea Aragoiko hainbat herritan partekatzea, bizikidetzan, eguneroko trukean, errespetuan eta elkarrizketan oinarritutako gune bat sortzeko. Kulturarteko proiektu sozial eta artistikoa.

Gazteria, Gizarte-ekintza

Aurkitu mikroproiektuak
eremuen arabera.

Mikroproiektuak
Mendebaldea

Mikroproiektuak
Erdialdea

Mikroproiektuak
Ekialdea

Esker onak

Espainia-Frantzia-Andorra Lurralde Lankidetzako Programa Operatiboaren (2007-2013) soberakinekin finantzatu da mikroproiektuen deialdi hau. Soberakin horiek ekarpen nazional gisa eman zaizkie estatu kideei (Espainiako eta Frantziako Estatuak), eta, beraz, FEDER funts izateari utzi diote.
Hemen adierazten diren bazkide instituzionalek kudeatu dute deialdia, elkarrekin.
575.000 euroko zenbatekoarekin, webgune honetan aipatzen diren lurralde-lankidetzako mikroproiektuetan dirulaguntza jaso zezaketen gastuen % 100 finantzatu ziren.

Lege-oharra